Силниот ветер откорна дрвја, гранки и бандера во Куманово

Вчерашниот силен ветер кој го зафати подрачјето на Куманово во вечерните часови, предизвика оштетување на дел од високата вегетација, екипите интервенираа на расчистување на паднати дрвја и гранки, соопштија од ЈП „Чистота и Зеленило“.

И екипите на територијалната противпожарна единица интервенирале на паднати дрвја, гранки и бандера на булеварот „Октомвриска револуција“, во населбата „Карпош“, „Бранко Богдански Гуцман“.

Пожарникарите гаселе пожар на опожарена сува трева во два наврати и во Долно Којнаре.