„Сити базар“ – нови базари за поддршка на македонските ракотворци и занаетчии
Oд јануари, на првиот кат од Скопје Сити Мол започнува нова и возбудлива иницијатива – „Сити базар“. Оваа платформа подразбира организирање месечни настани, кои ќе го оживеат духот на оригиналните и современи производи, како и на традиционалните уметности, нудејќи широка палета продукти изработени од македонските ракотворци.
„Со оваа иницијатива, Скопје Сити Мол не само што ќе обезбеди простор за промовирање на иновативните занаетчии, туку и ќе ги поттикне посетителите да го поддржат домашното производство и да го ценат креативниот влог на македонските ракотворци. Со поттикнување на локалната заедница и промовирање на традиционалните и современите занаети, овој нов проект, не само што ќе создаде платформа за македонските производители, туку и ќе ги задоволи интересите на посетителите со разновидни настани што ќе ја афирмираат локалната култура“, наведуваат организаторите.
Новата платформа „Сити базар“ ќе се одржува секој месец во текот на годината, на првиот кат на постојана локација и секогаш со нова тема ќе понуди различни настани, фестивали, базари, перформанси, едукативни и интерактивни работилници… насочени кон промоција на македонските креативци.
Јануарска викенд приказна се првите два базари, кои ќе бидат дел од платформата „Сити базар“ и на кои ќе се претстават занаетчии со органски производи од мед, еколошки восочни продукти, накит, чанти и аксесоари од керамика и кожа.
Во рамките на „Сити базар – јануарска викенд приказна“, на првиот кат од молот на 18 и 19 јануари ќе земат учество: Малезан Филигран, One of a cup, Номади Количеви, од пчеларското здружение „Природен мед“ земаат учество: пчеларство Додевски, пчеларство Аврамоски и пчеларство Радически, Креативно студио Алегра, Филигран од Срма Софија, Весна Зафировска, Карло Хорват, Stardust Kejt Rakotvorbi, Медена, Marcy’s handmade, ЕКО восочни обвивки, Julie Decoupage, Love Corner и Јуник Корнер.
На вториот викенд базар што ќе се одржи на 25 и 26 јануари на истата локација ќе се претстават брендовите: Ателје Tara Fashion, VGJ Art, Irena’s bouquets, од пчеларското здружение „Природен мед“ земаат учество: пчеларство И.З.Про-Мед и пчеларство Митревски, INFINITY DIVINE, МЕДАРНИЦА, Мое катче, INFINITY ACCESSORIES, Катарина Дода, Еpoxy handmade by clay, Аrtemis- рачни изработки, Ателје Сиена, ФРЕНКЛИ, Zen.Zeal и Монкдолс.
