Скопјанец се удавил во вардар – Телото било извлечено во Гази Баба
Вчера околу 12 часот во СВР Скопје било пријавено дека од реката Вардар, на подрачјето на Гази Баба, бил изваден удавен Р. К. (61) од Скопје, информираше Министерството за внатрешни работи (МВР).
„Смрт констатирал лекар од итната медицинска помош, увид извршиле екипа од СВР Скопје и јавен обвинител по чија наредба телото на починатиот било предадено на обдукција“, информираа од полицијата во дневниот билтен.
