Скопје утрово е на второто место во Европа по загаденост на воздухот, покажуваат податоците на „Ај-кју ер“

Главниот град на земјава, Скопје, утрово е втор најзагаден град во Европа, покажуваат податоците на платформата за мерење на квалитетот на воздухот „Ај-кју ер“.

Скопје утрово е на 10. место на листата со индекс на загаденост 172. Според платформата, во моментов, воздухот во главниот град е означен во категоријата „нездрав воздух“.

Податоците од платформата за мерење на квалитетот на воздухот „Ај-кју ер“.Фото: Принтскрин

Прв на листата на најзагадени градови во светот е Лахор во Пакистан, а потоа следуваат Делхи во Индија и Сараево во Босна и Херцеговина. На 4. место е Длака во Бангладеш, а по него е Калкута во Индија. Следни се кинеските градови Вухан и Чонгкинг. По нив, се наоѓаат Ханои во Виетнам и Карачи во Пакинстан.

Скопје е на 10. место. По него е Приштина во Косово.

Според експертите, високите вредности на загадувањето имаат сериозен ефект врз здравјето на граѓаните, особено во зимските месеци кога се зголемува употребата на грејни тела.