Скопје вечерва на 4 место по загаденост на воздухот во светот.Воздухот во Гостивар по загаден и од Скопскиот

28.12.2022 00:03
954 Читање помалку од 1м

 

Според објавата на веб-страницата iqair.com, во главниот град на земјава индексот на загаденост на воздухот е 187. Позагадени светски градови од Скопје вечерва се Карачи, Лахор и Дака. На листата на iqair.com во првата десетка на најзагадени градови Скопје е единствениот град од Европа.

Во главниот град на земјава вечерва се измерени 124,6 микрограми на кубен метар ПМ 2,5 честички. Најголема загаденост измериле станиците во Лисиче, Центар, Гази Баба, Ректорат и Карпош.

Според мерењата на „Ај-кју ер“, вечерва Скопје не е најзагаден град во Македонија. Најголемо загадување има во Гостивар каде индексот е 246.

Денеска, пак, три дена откако стапија во сила, престанаа да важат препораките и мерките за надминат праг на алармирање за загаденост на воздухот во главниот град. Информацијата ја соопштија денеска од Министерството за животна средина и просторно планирање (МЖСПП) од каде што посочија дека епизодата од два последователни дена на надминување на прагот на ПМ 10 честички е прекината.

 

Back to top button
Close