Славјанка Петровска: Престрелката во Сингелиќ е „покажување сила“ на Фантом, лик од подземјето близок до Мицкоски

Славјанка Петровска поранешната министерка за одбрана и пратеничка,  на својот Фејсбук профил утрово објави фотографии од премиерот Мицкоски заедно со Борис Мутков – Фантом, кој според Петровска е лик познат во подземјето.Таа вели дека вчерашната престрелка ов Сингелиќ е всушност „испраќање порака кој е кој“ токму од Фантом.

Петровска тврди и дека братот на Фантом е дел од обезбедувањето на Мицкоски.

Еве што напиша таа:

Утрово ново убиство, нова пресметка. Додека Мицковски се фотографира и се смешка, пукање и мафијашки престрелки на секој чекор.
Лично Мицковски стои и ги одобрува овие мафијашки престрелки, затоа и одбра вчера на големиот христијански празник Преображение, пред Божји храм да се фотографира со Борис Мутков – Фантом, познат лик на скопското подземје. Наместо да ги апсат, тие се фотографираат и смешкаат. Вчерашната престрелка во Синѓелиќ, е всушност пресметка зад која стои Фантом и праќа порака кој е кој. Доказ дека блискоста на Фантом со Мицковски не е монтирана е и фактотот што братот на Фантом е дел од обезбедувањето на Мицковски.
Очигледно е дека ДПМНЕ продолжува таму каде што Груевски застана, и затоа многу пократко ќе траете.