Снежната бура во САД остави 230 000 семејства без струја, откажани се илјадници летови

Повеќе од 4 000 летови само во текот на вчерашниот ден биле откажани во САД, пред огромната зимска бура, која веќе ја прекина електричната енергија на повеќе од 230 000 клиенти дури до Тексас на запад и е закана за парализирање на источните држави со обилни врнежи од снег.

Метеролозите најавуваат дека снег, замрзнат дожд и опасно ниски температури ќе ги зафатат источните две третини од земјата денеска и во деновите потоа.

Нарекувајќи ја бурата „историска“, американскиот претседател Доналд Трамп на 24 јануари одобри прогласување на федерална вонредна состојба за катастрофа во Јужна Каролина, Вирџинија, Тенеси, Џорџија, Северна Каролина, Мериленд, Арканзас, Кентаки, Луизијана, Мисисипи, Индијана и Западна Вирџинија.

„Ќе продолжиме да ги следиме и да останеме во контакт со сите држави на патот на оваа бура“, напиша Трамп.

Седумнаесет држави прогласија вонредна временска состојба, соопшти Министерството за внатрешна безбедност.
Националната метеоролошка служба предупреди за невообичаено експанзивна и долготрајна зимска бура што ќе донесе широко распространета, тешка акумулација на мраз на југоистокот, каде што може да се очекуваат „оштетувачки до локално катастрофални влијанија“.

Извор: fokus.mk