Снопче од Алијанса: Битката продолжува и тоа веднаш
Пратеникот на Алијансата за Албанците обвини дека влада со 59 пратеници се чатали и дрско се однесува кон граѓаните
Не потфрли синоќа Алијансата за Албанците, таа само се зацврсти на страната на правдата, на страната на народот кој бара промени, а излегоа на виделина вистинските лица на оние кои се борат против промените и го бранат режимот по секоја цена. Битката продолжува, уште посилно, уште почисто, уште порешително, и тоа веднаш, изјави денеска пратеникот на Алијансата за Албанците, Халил Снопче, на прес-конференција во Гостивар.
Коментирајќи ги вчерашните случувања во парламентот, тој обвини дека „секоја држава има своја мафија, а синоќа се докажа дека во Северна Македонија мафијата има држава“.
„Една Влада со 59 пратеници се чатали и дрско се однесува кон граѓаните и бара спас преку уцени, закани, купување или киднапирање пратеници. Еден хибриден режим кој се повикува на европски вредности, а целиот нејзин мандат и крајот се карактеризира со постапки и скандали спротивни на тие вредности. Синоќа не потфрли новото мнозинство, а уште помалку опозицијата. Синоќа се вклучи алармот за сите граѓани и за меѓународната заедница. Синоќа се потврдија сите оценки на меѓународните организации за Северна Македонија, а се потврдија и сите наши предупредувања. Кога на избран претставник на народот му се оневозможува да си оди на работа, тогаш што може да биде со обичниот граѓанин“, рече Снопче.