Собранието ќе ја продолжи расправата за законот за решавање на спорот на Владата со Макпетрол

жСобранието на Република Северна Македонија по едночавна пауза поради корона протоколите ќе ја продолжи работата по 20.пленарна седница на која треба да се расправа за Предлог на закон за решавање на спорот помеѓу Владата на Република Северна Македонија и Макпетрол АД Скопје по пат на спогодба, по скратена постапка.

Во Собранието синоќа имаше дебата за овој предлог за чие носење се противи опозициската ВМРО-ДПМНЕ. Координаторот на пратеничката група Никола Мицевски од говорницата, а подоцна и на прес-конференција праша зошто на Владата и се брза да се донесе ова законско решение, кое според нив е штетно.

Координаторот на пратеничката група на СДСМ Јован Митрески, пак, денеска на прес-конференција обвини дека опозициската партија повторно ја блокира работата на Собранието и оти јавно се фали со тоа.

Ова законско решение предвидува да му се признае на Макпетрол сопственост на 50 отсто од гасоводот во земјата и да му се исплати цена од 33 милиони евра.

Пред паузата заврши распрвата по Предлог на закон за изменување на Законот за инвалидски организации, по скратена постапка, но гласање за овој закон немаше. Повторно, главно, за збор се вклучуваа пратеници од ВМРО-ДПМНЕ