„ЈСП“, „Паркови и зеленило“ и „Улици и патишта“ добија нови директори

Со новата реконструкција на позиции во градските претпријатија се назначени нови директори и тоа на „ЈСП“ – Драги Кушовски, ЈП „Паркови и зеленило“ – Мартин Ангеловски и на ЈП „Улици и патишта“ – Ванчо Умленски, информираа попладнево од Град Скопје.

Оттаму дополнуваат дека „Кушовски, Ангеловски и Умленски доаѓаат на позициите како професионалци од приватниот сектор, со поединечни портфолија, секој повеќе од 15 години работно искуство на раководни позиции.

Градоначалничката Данела Арсовска која во октомври ќе исполни три години од мандатот досега во јавните претпријатија под надлежност на Град Скопје промени над 50 директори, а во некои јавни претпријатија за две и пол години се „изротираа“ дури и по пет директори.

За повеќето разрешувања и назначувања немаше објавено образложенија.