Спасовски- Граѓаните им дадоа мандат да го управуваат градот а не да се караат и да го блокираат

Граѓаните им додадоа мандат да управуваат со градот, им дадоа мандат за бесплатен превоз, а не за блокада на превозот, најмалку што може да се врати на граѓаните е да се седне и да се разговара и на тој начин да се постигне деблокада, вели министерот за внатрешни работи

Апелирам да се седне на маса и да се разговара во однос на целиот овој процес. Тие што го создаваат проблемот ќе мора да седнат и да разговараат и да ги вкрстат аргументите. Не можеме да бидеме како држава, како град, како граѓани да бидеме заложници затоа што некои политички субјекти се скарале и поради нивната кавга сите да бидат блокирани како град и како граѓани.

Мислам дека е чесно да излезат пред граѓаните и да кажат дека ќе се седне и ќе се разговара и врз основа на тоа да се дојде до решение отколку вака сите граѓани на Скопје практично да ги сносат последиците ни криви ни должни, рече министерот за внатрешни работи Оливер Спасовски коментирајќи ги протестите на приватните превозници кои денеска со автобусите блокираа на три крстосници во Скопје.

Од една страна, додава Спасовски, граѓаните им додадоа мандат да управуваат со градот, им дадоа мандат за бесплатен превоз не за блокада на превоз, најмалку што може да се врати на граѓаните е да се седне и да се разговара и на тој начин да се постигне деблокада.

„Ги разгледуваме сите можни опции меѓутоа освен опцијата разговор со оние кои протестираат друга скоро и да нема. Кога станува збор за протест или јавен собир доаѓа до судир на правото на слободно движење и правото на протест. Од утрово разгледуваме и опции со Министерството за правда во однос на оваа дебата“,додава Спасовски.