Спасовски и Чулев дале исказ пред Русковска за софтверот на Рашковски

Во средата на распит како сведок бил повикан и дал исказ, сегашниот прв човек на полицијата Спасовски, а во четвртокот тоа го сторил и неговиот претходник Чулев.Како што јавува Телма, Спасовски давал исказ дека МВР нема потреба за софтверот купен од Рашковски, бидејќи сметала дека користењето на „сејф сити“ системот за сообраќајни прекршоци е спротивен на законската заштита на лични податоци. „Сејф сити“ се користел само при кривични истраги, па поради тоа немало одлука за набавка, ниту потреба од софтверот смислен и купен од ист човек, поранешниот генсек на владата Драги Рашковски.

Ексминистерот Чулев пред Обвинителството кажал дека во текот на неговиот мандат немал информации за набавката на софтверот на Рашковски. И Спасовски и Чулев сведочеле пред шефицата на Обвинителството за органзиран криминал и корупција, Вилма Русковска.

Според Телма, Рашковски кој сега има секретарско место во кабинетот на премиерот Заев не е повикан на распит, но редовно оди на работа откако се врати од одморот во Мексико. Покана за распит засега нема ниту сопственикот на фимрата „Инвока гроуп“, во чии простории вчера беше извршен претрес.