Спиеме по две во кревет, храната е малку – дел од спортистите на ЕМОФ за условите во Скопје
Бројни видеа, статуси, и коментари на социјалните мрежи укажуваат на организациски пропусти или пак несреќи. Дополнително дел од спортистите со кои разговаравме ги потврдуваат ваквите впечатоци.
„Мораме да спиеме во еден кревет, односно во брачен кревет со тренерот, значи двајца спиеме во таков кревет. Нема тоалети во собите, па мора да делите со другите. Имаме проблем и со водата, немаме вода во блоковите, само во кујната. Ограничено е на две шишиња за еден човек. Имаме проблем и со жештината во собата, нема клима”, вели за Телма одбојкарката Агата.
„Немаме тоалет за девојки во собите. Во однос на храната, малку е храната за нас девојките кои спортуваме на топло време. Информиравме за недостатоците, секој ден кажуваме за тоа. Што ви кажаа на тоа? – Дека ова е веќе испланирано и дека не можат да направат промени“, вели Ашја Штурек.
За дел од негативните коментари се огласи македонската велосипедска федерација. Велат дека се шират шпекулации во врска со случајот со повредениот велосипедист од Литванија. Велосипедистот се здобил со скршеница уште пред отварање на фестивалот.
…
