Спорниот вештак од Ласкарци се шетал пред Мавровка, но на суд не доаѓа оти му бил висок притисокот!
Спорниот вештак Зекирија Зекири кој требаше да го презентира супервештачењето за несреќата кај Ласкарци по трет пат не се појави во суд, пренесе Фокус.
Поднел еден куп медицинска документација до Судот дека мора да оди испитувања оти имал покачен притисок од 160 со 110.
Неговото недоаѓање предизвика реакции во судницата која е полна со роднини на загинатите во несреќата што се случи пред четири години.
-Јас го видов вчера пред Мавровка, рече еден од присутните.
Обвинителот Дарко Јакимовски ја побара целата документација што ја поднел Зекири и кажа дека имал информации дека вештакот одел на работа.
…
