Срцето на Ериксен престанало да чука неколку минути

Репрезентативниот доктор на Данска, Мортен Босен во изјава за „Асошиејтед Прес“ објасни што се случувало додека се бореа за животот на Кристијан Ериксен, кој колабираше на натпреварот Данска-Финска.

-На почетокот тој дишеше и го чувствував неговиот пулс, но одеднаш тоа се смени. Како што сите видоа, почнавме да го реанимираме. Следните минути беа застрашувачки додека траеше реанимацијата. Успеавме да го вратиме. Тој разговараше со мене пред да биде пренесен во болница, рече Босен.

Еден од водечките спортски кардиолози во Англија, д-р Санџај Шарма рече дека Ериксен преживеал срцев удар и фактички бил мртов неколку минути. Според него, фудбалерот нема да може да ја продолжи кариерата.