Средба Пендаровски – Гутереш: С Македонија е пример дека се решаваат и најкомплексните прашањата

Потпишувањето на Преспанскиот договор, склучен под покровителство на Обединетите нации, е и пример дека и најкомлексните отворени прашања може да се разрешат доколку за тоа постои политичка волја и силно лидерство, било истакнато на средбата меѓу Пендаровски и Гутереш.

Шефот на државата, Стево Пендаровски, во рамки на учеството на 76. Генерално собрание на Обединетите нации, во Њујорк оствари средба со Генералниот секретар на Обединетите нации, Антонио Гутереш.

На средбата беа разменети мислења за севкупните активности на С Македонија во рамки на Обединетите нации, како и за улогата на организацијата во справувањето со глобалните прашања.

„Во тој контекст, генералниот секретар Гутереш оддаде признание за покажаната солидарност од страна на Република Северна Македонија со вклучувањето во глобалната хуманитарна акција за привремено прифаќање на граѓани од Авганистан. На средбата беше истакната важноста на Преспанскиот договор, склучен под покровителство на Обединетите нации, како пример дека и најкомлексните отворени прашања може да се разрешат доколку за тоа постои политичка волја и силно лидерство -информираат од кабинетот на претседателот.

Двајцата соговорници размениле мислења и информации за актуелната состојба во однос на европската перспектива на државата, вклучувајќи го отвореното прашање со Бугарија.

„Двајцата соговорници констатираа дека деблокадата на евроинтегративниот процес е од интерес за стабилноста и просперитетот на регионот и на Европа во целина – се вели во соопштението.