ССМ на протест пред Врховен суд поради одлуката со која се одзема Работничкиот дом

Сојузот на синдикати на Македонија (ССМ) денеска ќе одржи протест пред Врховниот суд во Скопје, изразувајќи незадоволство од одлуката што судот ја донесе за одземање на нивното седиште, Работничкиот дом.

Според најавите протестот ќе почне пред зградата на ССМ, а ќе заврши пред судот. Врховниот суд на 9 ноември лани донесе пресуда со која Работничкиот дом му се одзема на ССМ по што раководството на синдикатот побара оставка од судиите што ја донесоа одлуката и поднесе предлог за нивно разрешување до Судскиот совет.

ССМ има испратено барање и до Уставниот суд бидејќи Врховниот суд не ја почитувал одлуката на Уставниот суд донесена во 1992 година во која се кажува дека државата нема право да одзема имот на синдикатите