Стапено во контакт со заглавеното лице во снежни наноси во кочанско, обезбедено е со основни средства
РЦУК Штип, известува дека во врска со вчерашниот настан каде жител на село Полаки – Кочанско бараше евакуација од страна на надлежните служби известени сме дека и денес е стапено во контакт со истото лице, и дека не е потребна евакуација бидејќи истото е обезбедено со основни средства и патот до село Полаки е прооден.
Во текот на вчерашниот ден РЦУК Кочани извести дека постапиле по пријавата за помош на лице во с. Полаки (планинско село од разбиен тип) во маало Бабиште при што контактирани се ЛС Кочани, Црвен крст Кочани, ТППЕ Кочани и ДЗС Кочани.
Командирот на ТППЕ Кочани стапи во контакт со братот на лицето кое се наоѓа во с. Полаки за негова евакуација од страна на ТППЕ Кочани и истиот ја одбива понудената помош со барање да се почека до денес.
