Стејт департментот за „Отворен Балкан“: Ја поддржуваме секоја регионална иницијатива заснована на европски принципи

Американскиот Стејт департмент ја поддржува секоја регионална иницијатива заснована на европски принципи, која има за цел економско зајакнување на земјите од Западен Балкан. Изјавата е дадена еден ден откако претставниците на трите земји од Отворен Балкан (Србија, Албанија и Северна Македонија) вчера, на Самитот на иницијативата во Охрид, потпишаа неколку договори.

epa09705618 (FILE) – A general view of the US Embassy in Kiev, Ukraine, 08 June 2017 (Reissued 23 January 2022). The US State department announced the reduction of staff levels in their embassy in Kyiv, starting with nonessential personnel and family members. EPA-EFE/SERGEY DOLZHENKO

Портпаролот на Стејт департментот одби да коментира за Радио Слободна Европа за фактот дека Косово одбива да биде дел од „Отворениот Балкан“ и не сака да присуствува на состаноците, но истакна дека „поблиска и поинтегрирана соработка низ Западен Балкан привлекува енергетски инвестиции“.

-САД ги поддржуваат овие и други иницијативи, кои ја продлабочуваат регионалната економска соработка и го унапредуваат европскиот пат, соопшти Стејт департментот.

На 8 јуни, специјалниот пратеник на САД за Западен Балкан, Габриел Ескобар, рече дека САД не гледаат на Западен Балкан од перспектива на проблемите од 1990-те, туку преку можностите на 21. век.

Ескобар рече и дека Западен Балкан има потенцијал да биде центар на обновлива енергија, центар за течен природен гас и ја отвора можноста Европа да се ослободи од зависноста од рускиот гас.

Ескобар рече и дека „Отворен Балкан“ треба да остане економски, а не политички проект и да се фокусира на луѓето од регионот и дека на тој начин ќе има поддршка.

Можеби ќе ве интересира
Close
Back to top button
Close