Стотици американски војници ќе бидат испратени да помогнат во напорите за контрола на границата со Мексико

Уште стотици војници треба да бидат распоредени на границата на САД со Мексико до крајот на месецот за да се зајакне заштитата во областа, јавија американските медиуми.

Војниците веќе се распоредени на југ за поддршка на граничарите, за логистички задачи, но американскиот претседател Доналд Трамп прогласи национална вонредна состојба на јужната граница кога ја презеде функцијата во понеделникот.

Тоа му даде на Министерството за одбрана овластување да испрати дополнителни војници во координација со Одделот за домашна безбедност, пренесе ДПА.

Трамп смета дека „суверенитетот на Америка е нападнат“, според извршната наредба на САД.

Се вели дека границата е „прегазена од картели, криминални банди, познати терористи, трговци со луѓе, шверцери, непроверени мажи на воена возраст од странски противници и недозволени наркотици кои им штетат на Американците“.

Трамп постојано ги поистоветуваше мигрантите, од кои многумина илегално ја минуваат границата, со криминалци. Многумина веќе ги чувствуваат ефектите од првите одлуки на Трамп кои се обидуваат да ја ограничат имиграцијата.