Свлечиште затрупа над 2.000 луѓе во Папуа Нова Гвинеја, властите бараат меѓународна помош

Владата на Папуа Нова Гвинеја соопшти дека лизгањето на земјиштето во петокот затрупало повеќе од 2.000 луѓе и официјално побара меѓународна помош.

Бројката на локалните власти е околу три пати поголема од проценката на Обединетите нации за 670 затрупани луѓе.

Вршителот на должноста директор на Националниот центар за катастрофи на островската држава во јужниот дел на Пацификот во писмо до постојаниот координатор на ОН рече дека лизгањето на земјиштето „затрупало повеќе од 2.000 луѓе“ и предизвикало „големо уништување“.

Австралија се подготвува да испрати авиони и друга опрема за помош во Папуа Нова Гвинеја