Тајмс оф Израел: Хамас и Израел ги финализираат деталите за спроведувањето на договорот за заложници

Израел и Хамас синоќа постигнаа начелен договор за размена на заложници и во моментов работат во Доха на финализирање на деталите од договорот, изјавија двајца арапски претставници за „Тајмс оф Израел“.

Едно од главните прашања што допрва треба да се реши се однесува на прецизните параметри на повлекувањето на израелските сили од Газа, а посредниците се уште чекаат мапа од Израел што ќе ја разјасни таа точка, изјавија арапските власти.

Според нив, договорот се очекува официјално да биде објавен денеска или утре, во форма на заедничка изјава на САД, Катар и Египет, кои посредуваат во преговорите меѓу Израел и Хамас