Тајни преговори Путин-Трамп: Русија ќе задржи украинска теиторија, САД ќе одржат „нуклеарен чадор“ над Европа….
Доналд Трамп, како дел од неговиот план за ставање крај на војната во Украина, преговара со Владимир Путин за тоа колку од окупираната украинска територија Москва може да задржи, пишува Politico, повикувајќи се на двајца експерти за национална безбедност поврзани со Трамп.
Политико не соопштува детали за форматот и фазата на преговорите, како и за кои територии се разговара. Во исто време, според изворите на изданието, Трамп ја разгледува можноста за склучување договор со Путин, според кој земјите, особено Украина и Грузија, би можеле да влезат во НАТО.
Изданието го нарекува решавањето на конфликтот во Украина дел од поширокиот план на Трамп во однос на НАТО.
Соговорниците на изданието тврдат дека е малку веројатно дека САД целосно ќе се повлечат од НАТО за време на Трамп, меѓутоа, плановите на можниот иден претседател вклучуваат транзиција кон „двостепен систем“ на Алијансата. Ова значи дека земјите кои нема да ја исполнат целта за трошење на БДП од 2 отсто, нема да може да ги користат дарежливите американски фондови за одбрана и безбедносните гаранции, велат извори на Политико.
Изданието забележува дека ова би можело да се смета за прекршување на членот 5 од Северноатлантскиот договор, кој гарантира колективна одбрана во случај на напад врз една од членките на Алијансата. Во исто време, САД планираат да одржат „нуклеарен чадор“ над Европа, оставајќи ги своите воздухопловни сили и базите во Германија, Англија и Турција. Сепак, најголемиот дел од пешадијата, логистиката и артилеријата на крајот ќе паднат во европски раце.
Сè на сè, новиот пристап на Трамп кон НАТО ќе претставува револуција која Европа не е во состојба да ја спроведе во догледна иднина, пишува Politico.
– Сакаме НАТО да биде активен, но сакаме Европејците да водат. Ова беше оригинална идеја. Тоа беше идејата на Двајт Ајзенхауер, изјави за Политико Елбриџ Колби, кој го предводеше развојот на националната одбранбена стратегија за време на Трамп и се бори за високата функција доколку Трамп биде реизбран.
Шефот на кабинетот на претседателот на Украина, Андриј Јермак, коментирајќи ги плановите на Трамп за време на неговата посета на Вашингтон, рече дека Украина не е подготвена да направи компромис со Русија и да отстапи од која било територија за да се стави крај на војната
