Тешко повреден работник во Скопје

Вчера попладне, работник на 64-годишна возраст бил тешко повреден откако паднал од висина од објект во Центар, пренесуваат од МВР. „На 02.06.2021 во 15.30 часот во СВР Скопје било пријавено дека во Комплекс клиники „Мајка Тереза“ со тешки телесни повреди бил донесен Д.В.(64) од Скопје.

Полициски службеници излегле на местото и извршиле разговор со Д.В., кој изјавил дека околу 15.00 часот, додека извршувал работни задачи на објект во изградба на подрачје на Центар, се лизнал и паднал од висина. Увид на местото на настанот извршила екипа од СВР Скопје и за настанот е запознаен трудов инспектор“, додаваат од МВР.