Трагедија во Белград: Едногодишно дете почина во градинка, се истражува причината за смртта

Едногодишно момче почина вчера во градинка во Нови Белград. Трагедијата се случила околу 13 часот.

Истрагата е завршена, а на оградата е поставена полициска лента и сите влезови во градинката се затворени со катанец, објавија српските медиуми.

– Слушнавме полициски сирени, а потоа многу брзо пристигнаа екипите на итната помош. Немавме поим што се случува. Знаеме дека таму има градинка, но немавме поим дека може да се случи ваква трагедија. Ова е страшно – вели една од станарките на околните згради.

-Ништо не слушнавме, беше тивко, само подоцна разговаравме со соседите. Ни беше јасно дека нешто не е во ред кога видовме толку многу полицајци и лекари – додава друг соговорник за медиумите.

Според првичните сознанија едногодишното момче спиело, се разбудило и почнало да повраќа, а набрзо потоа починало.

Наредена е обдукција и токсиколошки анализи за да се утврди причината за изненадната смрт на детето.