Трамп со нова бизарност: Одби да спие на кралски чаршафи во Виндзор и побара „Made in USA“ постелнина

Првиот ден од државната посета на Велика Британија за Доналд Трамп мина со кралска помпа и церемонија, но еден навидум банален детаљ стана вест број еден. Наместо на кралските чаршафи во замокот Виндзор, поранешниот американски претседател инсистирал неговите помошници да му донесат постелнина произведена во САД.

Овој гест, кој за многумина изгледа како каприц, носи и јасна политичка симболика – демонстрација на неговата „Америка Прво“ агенда. Дури и како гостин во домот на британскиот монарх, Трамп сакал да покаже дека останува доследен на промоцијата на американски производи.

Познавачите пак потсетуваат дека Трамп е познат по својата гермофобија, па необичното барање можеби има и практична причина.

Инцидентот, кој медиумите го нарекуваат „судир на стилови“, е метафора за целата посета – од една страна традицијата и протоколот на британската монархија, а од другата популистичкиот и непредвидлив стил на Трамп.

Иако неговото одбивање може да се сфати како мала дипломатска навреда, се очекува домаќините да го исполнат барањето – за да не се создаде поголем дипломатски проблем поради чаршафи