Трамп со порака за мировните преговори: „Не верувајте во значителен напредок”

Американскиот претседател Доналд Трамп се огласи по долгото молчење во врска со разговорите за прекин на војната во Украина, објавувајќи необична порака на својата платформа Truth Social. „Не се лажете дека се постигнати значајни напредоци помеѓу Русија и Украина – барем не за сега“, предупреди Трамп.

Тој исто така постави прашање: „Дали навистина може да се очекува значителен напредок во мировните разговори? Не верувајте додека не го видите тоа со свои очи, но можеби, сепак, нешто позитивно се случува. Бог да ја благослови Америка.“

Во основата на разговорите стои мировен план со 28 точки, кој, според првичните информации, бил наклонет кон руските интереси. Сепак, по средбата на украинската и американската делегација во Женева, планот претрпел значителни измени, а наводно се размениле и остри забелешки.

Во меѓувреме, „Вашингтон пост“ објави дека Трамп всушност не бил запознаен со деталите од планот, кој медиумите означиле како „Трампов мировен план“. Весникот наведува дека текстот бил составен од неговиот специјален посредник Стив Виткоф, во соработка со главниот руски преговарач, Кирил Дмитриев