Трамп вели дека „болката“ од царините ќе биде „вредна за цената“

Претседателот на САД, Доналд Трамп објави дека Американците можеби чувствуваат економска „болка“ од неговите царини за клучните трговски партнери, но тврди дека би било „вредно за цената“ да се обезбедат американските интереси.

„Дали ќе има болка? Да, можеби (а можеби и не!)“, напиша Трамп на неговата социјална мрежа „Truth Social“, еден ден по потпишувањето на царините за Мексико, Канада и Кина поради загриженоста за илегална имиграција и трговија со дрога.

„Но, ќе ја направиме Америка повторно голема, и сето тоа ќе вреди за цената што мора да се плати“, додаде тој.