Тројца мигранти повредени кај Гевгелија, откако криумчар искршил рампа и удрил во столб

Тројца мигранти од вкуно 16 се повредени откако С.М. (23) од БиХ, со привремен престој во Скопје, бегајќи од полициска патрола најпрвин удрил во рампа на наплатната станица Смоквица, а откако продолжил со движење удрил во столб во селото Негорци.

Како што информираа од СВР Струмица, вчера околу 19:45 часот на автопатот Скопје-Гевгелија тој не застанал на знак за запирање даден од полициски службеници и со патничко возило „ауди“ со скопски регистарски ознаки, кое го управувал, превезувајќи 16 мигранти.

Повредените мигранти биле пренесени во болницата во Гевгелија, а увид на местото извршила екипа на полицијата.

С.М. бил задржан во Полициската станица Гевгелија, а за настанот бил запознаен Јавен обвинител од Основното јавно обвинителство за гонење на организиран криминал и корупција-Скопје.