Тројца пациенти починаа во ковид-одделение во Бугарија

Пожар избувна во одделението за КОВИД во болницата Хаџи Димитар во бугарскиот град Сливен, при што загинаа три лица, објавија ТВ Нова и БТВ.

Сигналот за пожар бил примен околу 2.40 часот вечерва. Испратени се две противпожарни екипи при што е констатирано дека одделот за КОВИД гори на целиот кат.

Пожарникарите пронашле двајца мажи кои починале на лице место, а третиот кој имал сериозни изгореници со возило на Брза помош бил пренесен во Пловдив. Малку подоцна човекот починал.

Загинатите се мажи на возраст од 66, 70 и 81 година.

Владимир Демирев од регионалната дирекција за противпожарна заштита случајот го коментираше како исклучително тежок и непријатен.

Од неговите зборови стана јасно дека се работи за невнимание, најверојатно од страна на пациент. Во оваа фаза не е идентификуван проблем со системот за снабдување со кислород.

Најверојатно се работи за запалена цигара, а тоа треба да го потврди истрагата.

Back to top button
Close