Туск: Сојузниците на Полска нудат поддршка за воздушната одбрана

Полска добила понуди за поддршка за својата воздушна одбрана од своите европски сојузници, изјави полскиот премиер Доналд Туск по разговорите со лидерите на Франција, Германија, Велика Британија, Италија, Холандија, Украина и НАТО.

-Во моите разговори денеска, добив не само демонстрации на солидарност со Полска, туку пред сè понуди за конкретна поддршка за воздушната одбрана на нашата земја, напиша Туск на „Х“ откако Полска собори сомнителни руски дронови во нејзиниот воздушен простор.