ТВ 21: По грешка сме ставени на листата со фирми што не исплатиле плати, а зеле државна помош
Oткако името на „Телевизија 21“ беше објавено па тргнато од списокот со фирми што зеле пари од државата за субвенции на плати, а не им ги исплатиле на вработените, со реакција излегоа од меидумот, во која тврдат дека станува збор за грешка и дека платите се исплатени на сите вработени.
Една од грешките, намерна или ненамерна не знаеме, беше и тоа што во првиот список кој беше објавен, а потоа ажуриран и поправен, се најде и името на ТВ21. Сепак, ТВ21 најодговорно тврди, за што секако имаме и докази, дека сите плати на секој вработен се исплатени и покрај тешкотиите со кои се соочивме во функционирањето поради Ковид 19. Тоа можат да го посведочат, се разбира банкарските трансакции, но и самите вработени. ТВ21 најодговорно тврди дека нето платата за месец април 2020 е исплатена во месец, мај, потоа платата за месец мај 2020 е исплатена во јуни, а платата за месец јуни е исплатена во месец јули. Воедно започна и предвремена исплата и за платата за месец јули. За ова секако се свесни и го знаат сите вработени, бидејќи платите ги добиле на своите трансакциски сметки“се вели во реакцијата.
Од таму додаваат дека телевизијата доцнела со исплатата на здравственото и пензиското осигурување, но и тие обврски во изминатите денови велат се реализирани
,,Сепак уште еднаш потенцираме дека платите на сите вработени, без кратења и без намалувања се исплатени. ТВ21 брои 90 вработени, а годишно кон државата испаќа 500 илјади евра давачки. Во услови на епидемија со Ковид 19, како многу други компании така и ТВ21 имаше потешкотии при функционирањето. Сепак, и покрај таквата состојба, ТВ21 донесе одлука да нема кратење на бројот на вработени, ниту пак да има некакво намалување на платите на вработените. Напротив и покрај една таква тешка состојба целата сума на нето плата на секој вработен е исплатена месец за месец. Би сакале да веруваме дека е некаква системска грешка, која секако подоцна во новиот ажуриран список е исправена. Но, сепак останува фактот дека намерно или не, со оваа грешка нанесена е голема штета на угледот на ТВ21 како компанија и како медиум“,се вели во реакцијата од ТВ 21.
