Њу Араб: Асад наводно има повеќе од 55 милиони фунти на банкарска сметка во Лондон

Соборениот сириски претседател Башар ал Асад наводно има личен фонд вреден повеќе од 55 милиони фунти на банкарска сметка во Лондон, објави порталот Њу Араб.

Банкарски извори за „Ди Ај пејпер“ изјавиле дека средствата се дел од 163 милиони фунти што Асад, неговото семејство и неговите сојузници ги ставиле на сметки во Велика Британија.

Според судски документи од 2011 година, Асад имал околу 40 милиони фунти на сметка во ХСБЦ банката во Лондон. Меѓутоа, бидејќи парите беа замрзнати под санкциите на Велика Британија, Асад не можеше да пристапи до нив, па продолжи да добива камати и сега вреди повеќе од 55 милиони фунти (66 милиони евра).

Асад беше санкциониран откако насилно ги задуши протестите пред да избие граѓанската војна во Сирија во 2011 година.

Овие пари, наводно, се мал дел од богатството собрано од режимот на Асад.

Се верува дека поранешниот претседател има имот од речиси 12,5 милијарди фунти (15 милијарди евра), вклучително и 200 тони злато, куќи ширум светот и мрежа на бизниси кои се протегаат на Блискиот Исток и пошироко