УБ | Јовановски: Ако Макрон засега во историски теми, ќе ја отвори Пандорината кутија во самата ЕУ
Многу конфузно делува целата работа за тоа што понатаму – и за Украина и за Балканот, неизвесноста е голема и многу е тешко да се прогнозира за следните политички чекори на ЕУ, вели Борјан Јовановски, кој го следи Преспанскиот форум во Охрид, за Утрински брифинг.
-Нема некој оптимизам зад кулисите на разговорите. Познато е дека Макрон има доставено предлог до Софија кој ќе го разгледаат и сите земји членки на ЕУ. Во однос на тоа, нашите дипломати се многу воздржани и чекаат прво да се изјаснат членките на ЕУ. Она што ми е познато за тоа како понатаму ќе се одвива процесот на преговори, а претпоставувам дека е добра вест, е тоа што во предлогот на Макрон не се засегаат историските прашања, вели Борјан Јовановски.
Ако во предлогот на Макрон се провлечат сензитивни прашања кои ја засегаат историјата тоа ќе значи отворање на Пандорината кутија и тоа ќе ги засегне и Словаците и Чесите, вели Јовановски и додава дека таква ситуација ќе се повтори кога Србија ќе преговара за членство па Хрватска ќе може да реагира на истиот начин.
-Македонската дипломатија нема што да прави ако ЕУ не го сетира овој процес. Може да се случи да се воведе нов услов за ппреговори, вели Јовановски.
Ако целиот процес излезе негативен за нас, што нема да биде првпат, се поставува прашањето то ќе се прави понатаму.
-Едната опција е да се покаже среден прст, но последиците од тоа се познати, а другата опција е конструктивен дијалог. А за оваа збрка што ја направи Бугарија несомнено е дека ќе претрпи последици во рамки на Унијата, вели Јовановски.
