Уценувачки, СОНК одбива покачување на платите од над 2.500 денари, велат од СДСМ

Владата предводена од СДСМ како никоја досега претходно покажа вистинска грижа за образованието како клучен сектор во нашето општество, информираа од владејачката СДСМ.

-Во разговорите со СОНК, Владата понуди зголемување на платите на наставниците од 10 отсто, односно раст за 2.500 денари во просек, како и методологија со која се обезбедува континуиран раст на платите и трајно решавање на социјалниот статус на наставниот кадар.Уценувачки е одбивањето на понуденото зголемување на платите во време кога целиот свет се соочува со економска и енергетска криза, посочуваат од владејачката партија.

Оттаму велат дека нанесувањето на штета на учениците кои треба да продолжат да ја следат наставата е крајно неодговорно.

-СОНК со одбивањето на понудата личните интереси ги стави пред интересите на децата.Согласно Законот за работни односи и Колективниот договор за основно и средно образование, и за вработените во јавните установи за згрижување и воспитание на деца од предучилишна возраст, на вработените кои штрајкуваат ќе им се исплатат само придонесите на платите.Солидарно и праведно е сега кога штрајкуват, платата да им ја надомести организаторот на штрајкот, а тоа е СОНК, велат од СДСМ.

Back to top button
Close