Украинците фатија руски агент на дело, како поставува експлозиви во станбена зграда

Безбедносната служба на Украина (БСУ) уапси руски агент на дело како поставува експлозиви во станбена зграда во западниот град Ривне, објави агенцијата.

Според БСУ, руските тајни служби регрутирале 27-годишен жител на Лавов, кој бил привлечен од понуда за „лесни пари“ објавена на Телеграм.

Неговата задача била да постави импровизирана експлозивна направа во изнајмен стан во центарот на Ривне. Целта била да предизвика силна експлозија со далечинско активирање, што би предизвикало цивилни жртви и повреди и би ширела паника низ целиот регион, објави БСУ.

Осомничениот е уапсен и моментално е во притвор. Тој е обвинет за неколку сериозни кривични дела според Кривичниот законик на Украина, вклучително и помагање во подготовка на терористички акт и нелегално ракување со експлозиви. Доколку биде осуден, се соочува со затворска казна до 12 години и конфискација на имот.

БСУ забележува дека ова не е изолиран случај и дека тие редовно ги спречуваат дејствијата на руските агенти и терористичките заговори насочени против воени и цивилни цели.

Според нивните податоци, Руската Федерална служба за безбедност (ФСБ) најчесто ги таргетира невработените лица, лицата со криминално минато или зависниците од дрога при регрутирање.