Ултиматум од САД до TikTok: Имате пет месеци или ќе ве забраниме!

Претставничкиот дом на САД усвои закон кој може да биде основа за забрана на популарната социјална мрежа ТикТок.

Иако дури 352 претставници на Домот гласаа за законот, а само 65 гласаа против, всушност не е јасно што ќе биде со тој закон.

Имено, законот би требало да помине на гласање во Сенатот за да биде целосно прифатен, а потоа да биде потпишан од претседателот.

Законот ќе ја забрани апликацијата на TikTok од американските продавници за мобилни апликации се додека е во кинески раце.

Да потсетиме дека сопственик на TikTok е кинеската компанија ByteDance. Ако ByteDance го продаде TikTok во американски раце, апликацијата сè уште ќе биде достапна и ќе работи за околу 170 милиони Американци кои ја користат.

Оваа популарна социјална мрежа беше на удар на американската администрација под водство на поранешниот претседател Доналд Трамп, уште во 2019 година, кога Трамп под изговор за грижа за националната безбедност ја покрена целата постапка што требаше да ја продаде американската подружница на TikTok во американски раце.

Тогаш се споменуваа бројни потенцијални и заинтересирани конзорциуми и компании, но се беше запрено со заминувањето на Доналд Трамп од претседателската функција.

Во меѓувреме, за да се смири американската администрација, податоците на американските корисници беа префрлени на сервери контролирани од американската компанија Oracle.

Актуелниот претседател Џо Бајден ги паузираше сите одлуки и ТикТок продолжи да функционира како порано.

Интересно е што, иако администрацијата на Бајден сега сака да го врати ТикТок во американски раце, во предизборната кампања ја користи токму оваа социјална мрежа за да допре до помладите гласачи.