Управниот суд донесе пресуда со која ја поништува одлуката на Собранието за именување на уставниот судија Елизабета Дуковска
Управниот суд донесе пресуда со која ја поништува одлуката на Собранието за именување на уставниот судија Елизабета Дуковска, која неодамна беше судија-известител за предметот за Законот за употреба на јазиците, објави „Алсат“.
Одлуката е одобрена вчера, а според пресудата што ја објави Алсат, таа стапува во сила веднаш. Дуковска беше избрана за судија во Собранието на 10 април 2023 година, додека шест месеци по нејзиниот избор, Антоанета Димовска, член на Судскиот совет, поднесе тужба.
Укинување на изборот на уставната судијка се случува на еден месец пред одржување на подготвителната седница во Уставниот суд. Повлекувањето на Дуковска од судската функција може да отвори можност да се одложи одлуката за законот за употреба на јазиците, со оглед на тоа што Уставниот суд претходно има одобрено заклучок дека за овој предмет ќе одлучува целосниот состав на Уставниот суд.
