Уште еден повреден работник примен во Ургентен центар по несреќата во Кисела Вода

Во Ургентниот центар во Скопје денеска е примен уште еден повреден работник од градилиштето во населбата Кисела Вода, информираат медицински извори за Телма.

Според првичните информации од Трауматологија, работникот се здобил со полесни повреди, но повеќе детали се очекуваат по извршените лекарски прегледи.

Претходно во Ургентниот центар биле донесени уште тројца повредени од истата несреќа, при што еден од нив бил префрлен на КАРИЛ поради тешки телесни повреди.

Раководителот на Трауматологија, д-р Арсовски, за Телма изјавил дека пациентот има сериозни повреди на нозете, додека останатите двајца работници се со полесни повреди и нивната состојба се следи.