Венс од Израел: Доколку Хамас не се разоружа, ќе го уништиме
Американскиот потпретседател Џ.Д. Венс кој денеска пристигна во Израел и зборуваше за постигнатото примирје меѓу Хамас и Израел, вечерва изјави дека верува оти тоа ќе се одржи.
Потпретседателот рече дека „секој има улога“ во однос на тоа кои земји ќе придонесат со мировни сили во Газа, но дека одлуката на крајот е на премиерот Бенјамин Нетанјаху.
„Она што го видовме минатата недела ми дава голема надеж дека примирјето ќе се одржи. Со оглед на историјата на конфликтот, мислам дека сите треба да бидеме горди на тоа каде сме денеска. Многу сум оптимистичен. Може ли да кажам со 100 проценти сигурност дека ќе функционира? Не“, рече Венс.
Тој ја нагласи улогата на израелската Влада во спроведувањето на мирот.
„Благодарение на нашите партнери, и во Израел, но и низ арапските држави од Персискиот Залив, Индонезија и Турција, тука правиме неверојатна работа. Кои војници ќе бидат на терен во Израел ќе биде прашање за кое Израелците мора да се согласат. И сигурен сум дека премиерот Нетанјаху ќе има мислење за тоа. Но, мислиме дека секој има улога тука“, рече Ванс.
Венс, исто така, нагласи дека локацијата на некои тела на мртви затвореници во Газа е непозната, наведувајќи дека прашањето е „тешко“ и нема да се реши преку ноќ.
„Фокусот на сите тука е да ги вратат тие тела во домовите на нивните семејства за да им се овозможи пристоен погреб. Некои од овие заложници се закопани под илјадници килограми урнатини. За некои од заробениците, никој дури и не знае каде се. Тоа не значи дека не треба да работиме на нивно пронаоѓање. И тоа не значи дека немаме доверба дека ќе го сториме тоа. Тоа е само причина да бидеме трпеливи“, рече Ванс.
Тој, исто така, рече дека САД ќе го „збришат“ Хамас доколку не се разоружа.
„Доколку Хамас не се придржува до договорот, ќе се случат многу лоши работи. Но, нема да го направам она што претседателот на САД досега одбиваше да го направи, а тоа е да поставам експлицитен рок, бидејќи многу работи се тешки. Многу работи се непредвидливи“, рече Венс.сд/
