(ВИДЕО) Андоновиќ: Србија во очекување да ги види снимките на бруталност на кланот на „Веља Невоља“

Српската јавност е во очекување да ги види снимките запленети при акцијата на апсењето на криминалната група на Вељко Беливук познат како Веља Невоља.

Најавата дека снимките ќе бидат прикажани во јавност ги соопшти минатата недела лично престедателот Александар Вучиќ кој изјави дека Србија и светот треба да знаат колку била опасна и сериозна оваа криминална група. На снимките според Вучиќ се гледа бруталноста со која криминалците од групата се служеле во пресметките со своите мафијашки ривали, како и со лицата кои одбивале да плаќаат рекет на оваа група.

Она што привлече внимание во изјавата на престедателот на Србија е неговиот повик граѓаните да ги тргнат децата и лицата со „слаб стомак“ од ТВ екраните во време кога ќе се емитуваат снимките бидејќи на нив имало експлицитно и досега невидено насилство

Групата наводно ги снимала ликвидациите и мачењата на своите ривали и потоа ги препраќале до другите потенцијални жртви со закана да видат што ќе им се случи доколку не соработуваат со кланот на Веља Невоља. Покрај криминалот и трговијата со дрога, оваа група е осомничена дека се обидувала да организира и атентат врз претседателот Вучиќ.

Во операцијата беа запленети не стандардни оружја за мафијашките пресметки, како што е снајпер со кој се претпоставува деека требало да биде ликвидиран српскиот претседател. Особена дамка на целиот случај фрли и сомнежот дека зад оваа група стојат високи функционери на владеачката СНС на Вучиќ како и високи безбедносни функционери, кои според досегашните обвинувања имале за цел да го ликвидираат Вучиќ и да ја преземат власта во Србија Останува денеска да се види што точно има на сликите и кои се новите полициски сознанија во истрагата, а во очекување е и екстрадицијата на еден од водачите на овој Клан Дарко Елез кој се наоѓа во притвор во Сараево.