ВИДЕО | Атанасовски: Очекувам засилена дипломатска активност – ЕУ е свесна за опасностите од блокадата на Бугарија
Позицијата на бугарскиот претседател Радев е арогантна – не се потребни преведувачи, дали со тоа сака да инсинуира дека ние сме два исти народи кои во минатото биле исти, што имаат ист или многу сличен јазик. Бугарските позиции се многу познати – тие постојано повторуваат дека ние сме т.н одродени Бугари, така што оваа изјава на Радев ја оценувам во најмала рака неумесна. Од друга страна како што гледаме ние сме на дијаметрално спортивни ставови во односот на поимањето на т.н проблем, кој е апсурден и наметнат од поранешната бугарска влада, каде што тие согласно нивната национална, историографска и политичка диоптрија на гледање на настаните во минатото, толкување на историските настани, историските револуционерни, ликови, дела, очекуваат дека ќе ги прифатиме, изјави во Утрински брифинг аналитичарот Благојче Атанасовски.
Загрижен сум и се плашам дека тие се влезени во т.н нивни филм дека може да направат „ребугаризација“ на населението во Македонија. Има и активности од невладини организации каде што гледаме засилени активности на носење на бугарски книги, на носење на бугарски знамиња, се со цел да се истакне дека во Македонија е жив бугарскиот дух, однсоно дека има население кое е тероризирано, заплашувано.
„Очекувам засилена дипломатска активност, бидејќи гледаме размрдување на самата ЕУ, каде што и самите се свесни дека не може да пројде и овој јунски самит, за кој јас се уште сум со умерен оптимизам дека може да се случи чудо, на начин на кој што Бугарија го кочи целиот регион на Западниот Балкан, односно става рампа врз проектираната евро-перспектива на шесте земји на Западен Балкан, а со тоа создава вид на регионална дестабилизација, бидејќи ќе расте евроскептицизмот кај граѓаните од земјите на западен Балкан и се отвора простор за пенетрирање на други сфери на влијание“, вели Атанасовски.
Целиот разговор со аналитичарот Атанасовски погледнете го во видеото:
