ВИДЕО | Бесими: Да знаев дека ова ќе се случи веројатно ќе бев номиниран за Нобелова награда
Откако Владата го објави најновиот пакет мерки за помош на граѓаните и стопанството, што е крупна интервенција. По две години ковид-криза, која сѐ уште не е завршена, следуваше и енергетска криза, а сега и воена криза.
-Ова е период со големи предизвици, а предизвик е и за мене да се најдат решенија во дадените околности да се изнајде најдоброто. Потребно е да се реагира брзо со помош, но фокусот да не се измести од инвестициите и развојот, вели Фатмир Бесими, министер за финансии.
Бесими вели дека во период на криза се менуваат приоритетите и се вложува онаму каде што во моментот е најбитно.
-Со меѓународните институции правиме холистички пристап, гледаме каде треба да се помогне. Најголемиот шок во моментов е ценовниот шок од прехранбените производи и енергенсите. За да го санираме ова мораме да гоопфатиме целиот синџир. Прво се замрзнува маржата за да нема екстра профити, а потоа се намалуваат и даноците, објаснува Бесими за Утрински брифинг.
Владата треба да обезбеди цените галопирачки да не се покачат и да има доволни количини храна и енергенси во државата. Бесими вели дека сите сме во криза кога е предизвикана од војна на европскиот континент. Од овој аспект мораме и да заштедиме, но нема да биде доволно само државата да штеди, тоа треба да го прават и фирмите и граѓаните.
Макпетрол се закани дека ќе престане да точи гориво поради намалените маржи со што ќе предизвика политичка криза.
-Ние не гледавме кој економски субјект ќе биде погоден. Мерките важат за сите, а имаме и социјални мерки во однос на храната и струјата за ранливите категории. Владата прави сѐ што е можно во рамките на соите капацитети. Не станува збор за популизам оти избори набргу нема да има. И државата и стопанствениците и граѓаните треба да придонесат во оваа криза. Не може да се каже дека приватниот сектор ќе генерира политичка криза оти на ниеден инвеститор не му се исплатува да инвестира во време на избори, вели Бесими.
Опозицијата обвинува дека Владата дека мерките доаѓаат предоцна и се премалку.
-Да знаев дека ова ќе се случи веројатно ќе бев номиниран за Нобелова награда. Не само што растат цените галопирачки туку и се варијабилни. Во еден ден одат и нагоре и надолу. За време на викенд може да има промени на цените на нафтата но во текот на неделата се стабилизира, вели Бесими. – Единствено што е извесно е дека сѐ е неизвесно, додава тој.
Бесими вели дека Владата веќе имала обезбедено средства за справување со кризи, а дел од средствата ќе бидат пренаменети. Со Европска инвестициска банка има договор за средства за обновливи извори на енергија и тоа ќе се забрза. Тој вели дека во моментот има ликвидност на буџетот, а дали ќе има ребаланс ќе покажат потребите. Кризата носи неизвесности и оттука и овој сет мерки, па набргу ќе треба да се реорганизираат средствата. Освен тоа, извесно е користење на средства од ММФ и од Европската комисија во вид на поволни кредити.
Во врска со земјиштето спрти „Нова Македонија“ Бесими вели дека станува збор за приватизација на земјиштето според Законот за приватизација, а не станува збор за продажба за 7 евра по метар квадратен. Тој додава дека таа градежна парцела постои од 2014 година, а владата од 2011 година донела уредба за цената на ова земјиште. Тој додава дека такви случаи има и други, но овој ќе биде последен затоа што таа уредба ќе биде сменета.
-Апелирам, од аспект на етиката, оние кои искористиле ваква можност по ниска цена да земат атрактивно земјиште да вложат средства во инвестиции од јавен интерес, вели Бесими.
