ВИДЕО | Д-р Дума: Квазинаучниците се деструктивни, треба обучени луѓе да комуницираат со јавноста

Доктор Алексеј Дума, доскорешен директор на Судска медицина, деонтологија и криминалистика, институт кој се занимава со вештачења по ваков вид несреќи во Утрински брфинг ја објаснува процедурата на идентификација на жртвите и медицинската истрага за можните причини на несреќата.

-Судска медицина е спона меѓу медицинските и правните науки. Медицинските наоди ги толкуваме со речник на судот за тој да може да ги примени и спроведе во судската постапка. Деонтологија е наука за должноста, моралните норми, како професионалец треба да се однесува, вели д-р Дума.

Тој вели дека Институтот ќе врши класична идентификациска постапка според нормите на Интерпол. Интерпол има цела дирекција за оваа постапка која е строго регулиана и како се одвива комуникацијата меѓу домицилната земја и земјата каде што се случила несреќата. Според новата законска регулатива постапката ја води Обвиинителството. МНР на Бугарија постапи правилно, овозможи пристап на наши експерти на местото на несреќата. Истата постапка ја овозможивме и ние кога загинаа бугарските туристи во Охрид. Се разменуваат сите информации и заклучоци, појаснува д-р Дума.

-Ако е брз инфаркт многу е тешко да се најдат докази. Срцевиот мускул е добро заштитен во телото. Знаејќи ги способностите на колегите, тие брзо ќе дојдат до заклучоци. Мене ми пречи што квазинаучници и кафеански научници пуштаат озборувања кои народот ги слуша и тоа е многу деструктивно. Регулирано е како треба да се комуницира со јавноста. Роднините кои загубиле блиски се во шок и се во афект и се инстинктивно агресивни. Виновникот не е идентификуван, па агресијата ја упатуваат кон екипите кои работат на идентификација. Потребни се вешти луѓе и добри новинари кои ќе комуницираат исправно, вели д-р Дума за Утрински брифинг.

Во врска со времетраењето на постапката за идентификација, тој вели дека не му е познат капацитетот на Институтот во Софија.

-Една обдукција на едно тело најмалку би траела три часа. Треба да се работи многу внимателно. Ова е страшно психичко оптоварување и на екипите мора да им се даде одмор. Ако не сте обчен да ги потиснете емоциите, тешко е. Мене ми се случило колега да дојде и да ми каже не можам да го работам ова, вели д-р Дума.

Проследете го целиот разговор во видеото