(ВИДЕО) Деканот на Градежен факултет: Опожарениот мост ќе биде затворен од два месеца до една година

Детална форензика на еден мост е комплициран потфат, изјави деканот на Градежен факултет Горан Марковски во утринската програма на Телма.

Според него, доколку истрагата покаже дека е потребна скромна санација, таа би траела најмалку два месеци, а доколку е потребна сеопфатна санација тогаш ќе треба околу една година.

Деканот на Градежниот факултет Горан Марковски вели дека самите истражни работи ќе траат околу два месеца.

Според Марковски ќе треба да се утврдат карактеристиките на материјалите кои се вградени во мостот и во каква состојба се наоѓаат, а за тоа е потребно време.

„Колку понатаму ќе биде потребно време за да мостот се пушти во употреба ќе зависи од добиените резултати. Тоа се некои маргини. Ако се констатира дека треба некоја скромна санација тогаш тоа ќе потрае неколку месеци. Но, ако се констатира дека имаме посериозни оштетувања, се надевам и поскаувам да не биде така, тогаш можно тоа да потрае и една година“,додаде Марковски.

Но, според него колку време ќе трае санацијата многу ќе зависи и од законските процедури кои се пропишани.

Се зависи и од тоа колку ќе мора да се почитува таа законска процедура или ќе се добие некоја урегнтност за да може да се делува. Но, маргините се тие во кои ќе може да очекуваме решение за овој мост“,додаде деканот Марковски.

Мостот „Беласица“ беше оштетен пред една недела, сега е затворен за сообраќај а како главна сообраќајна артерија, предвика невиден сообраќаен хаос во Скопје.