(Видео) Демонстрант го прекина говорот на Трамп и му викаше „педофил“ на митинг, обезбедувањето го исфрли надвор
Говорот на американскиот претседател Доналд Трамп во Пенсилванија вчера накратко бил прекинат откако демонстрант почнал гласно да извикува навреди, по што бил отстранет од обезбедувањето.
JUST NOW: A protestor yelling “pedophile” at President Trump’s rally was just escorted out by security as the crowd booed him. @NewsNation pic.twitter.com/7lmk2WEPpb
— Hannah Brandt (@HannahBrandt_TV) June 23, 2026
Инцидентот се случил во фабриката за камиони „Мек Тракс“ во местото Маканџи, каде што Трамп одржувал обраќање пред присутните.
Според извештаите на новинарите кои го следеле настанот, пред фабриката имало неколку демонстранти, меѓу кои и лице што носело транспарент со натпис „Поспаниот Дон“.
За време на говорот, еден од присутните во салата почнал гласно да извикува навреди кон Трамп. Обезбедувањето брзо реагирало, го опколило демонстрантот и го извело надвор од салата.
Снимките објавени на социјалните мрежи покажуваат дека додека бил изнесуван, демонстрантот продолжил да извикува навреди и во еден момент ги кренал рацете, покажувајќи средни прсти.
Инцидентот бил забележан и од повеќе новинари кои присуствувале на настанот, а на фотографиите и видеата може да се види како членовите на обезбедувањето го отстрануваат демонстрантот од собирот.
И покрај краткиот прекин, Трамп продолжил со своето обраќање пред присутните.
