(видео ) Експлозија во Истанбул: урнати две згради, спасени три лица, потрага по затрупани

Силна експлозија денеска ја потресе населбата Фатих во европскиот дел на Истанбул, при што се урнаа две згради, а спасувачките екипи трагаат по лица затрупани под урнатините.

Според информациите, под урнатините првично биле заробени пет лица. Досега се спасени три, кои се пренесени во болница, додека потрагата продолжува за уште две лица.

Од Канцеларијата на гувернерот на Истанбул соопштија дека експлозијата најверојатно била предизвикана од природен гас, по што дошло до уривање на две соседни згради.

На терен се ангажирани бројни екипи за спасување, вклучително и служби за управување со катастрофи, пожарникари и медицински тимови, кои интензивно работат на расчистување на урнатините и пронаоѓање на преживеани.

Надлежните институции најавија дополнителни информации по завршување на увидот.