ВИДЕО: Градоначалникот на Штип, Бочварски – Таргетиран е проблемот, алармот е вклучен

Вклучен е алармот за преземање мерки. Затворена е една компанија во која се рашири КОВИД-19, наш предлог како град беше дополнително да се затворат уште текстилни фабрики. Таргетиран е проблемот и затворање на градот би донел дополнителни последици како врз економијата така и врз здравјето. Сметам дека престрога мерка би бил карантин на градот, изјави за Утрински брифинг, Благој Бочварски, градоначалник на Штип.

-Но доколку КОВИД-19 продолжи да се шири, ќе мора да се врати полицискиот час и карантинот. Болеста е таква што сите мора да ги почитуваат мерките и да не се дозволи опуштање на поединци кои го доведуваат во опасност сопственото и здравјето на останатите, изјави Бочварски