Видео:Костадинов: Се надевам дека пратениците ќе го продолжат демократскиот пат

Откако синоќа Извршниот и Централниот одбор на СДСМ одлучи лидерот Зоран Заев да не поднесува оставки од премиерската и лидерската функција поради кризата со која се соочува државата во овие моменти, Перо Костадинов, претседавач на ЦО на СДСМ и  градоначалник на Валандово во гостувањето во Утрински брифинг објаснува за овие клучни одлуки во партијата и за тоа што ќе се случи во наредниот период.

-На Централниот одбор имаше и критички тонови кон политиките на Заев во однос на резултатите од локалните избори. Но, ЦО побара од претседателот на СДСМ да остане на функцијата поради кризите со кои се соочува нашата земја, вели Костадинов.

-Одлуката на претседателот Заев е негова лична и сите ние ја почитуваме, тоа првпат се случува кај нас како чин. Но, имајќи ги предвид состојбите побаравме да остане. Не треба да заборавиме како живеевме пред четири години. Процесите што значат Европа се започнати, завршивме попис, влеговме во НАТО, тоа е значајно. Секако дека имаше грешки. Пораката е примена. И испратена е порака за обединување. Се надевам дека овој пат ќе го задржиме и дека нема да се повтори убиство на духот пред сѐ кај младите, вели Костадинов

Според статутот на СДСМ кога претседателот си дава оставка целото раководство е во оставка.

-Не се битни функциите, битни се идеалите. Сите се максимално растоварени од функциите, тие не се битни, вели Костадинов.

Една од забелешките е дека по доаѓањето на Заев на позиции има премногу млади луѓе кои не знаат и не можат да се справуваат со вакви големи кризи. Следува компликуван период за СДСМ со можност да падне од власт.

-Процесите се различни. Верувам дека пратениците ќе го препознаат демократскиот пат. Новото мнозинство за кое што се зборува тешко дека може да постигне многу на долг рок.

Можеби ќе ве интересира
Close
Back to top button
Close