ВИДЕО | Поповски: Макрон јавно изјави дека ова не е фер кон Македонија, а од друга страна предлага рамка која е неприфатлива за нас

Мислам дека никој од нас, кој не е директно вмешан, не знае како ќе се развива ситуацијата со нашата европска иднина, со глед дена до крајот на француското претседателство в петок има исклучително набиена агенда и во Европа и со Самитот на НАТО во Мадрид, вели новинарот Љупчо Поповски за Утрински брифинг.

 

 

Дали воопшто има време да се калибрираат последните предлози дадени и изгласани во Народното собрание во Софија, кои ја елиминираат рамковната позиција на Бугарија во која какви сѐ не барања имаше Бугарија до Македонија, вели Поповски.

Поповски вели дека еврокомесарот за проширување Вархји е вклучен во оваа работа, а тој не туку така доаѓаше толку често во Софија и Скопје. Тука тој разговараше со низа македонски политичари и тие треба да кажат за што се зборувало, додава Поповски.

 

 

Вархеји за две години нема никаков успех. Нему очајнички му треба некаков успех па и по цена на прифаќање на сите бугарски предлози, вели Поповски.

Пред формирање на оваа европска влада Виктор Орбан инсистираше да го добие овој портфељ за проширување, па дури и имаше еден кандидат кој беше одбиен пред да биде прифатен Вархеји, потсетува Поповски и додава дека Вархеји не дојде како член на партијата на Орбан, но несомнено е близок на политиката на Орбан а таа е евроинтеграцијата на Србија.

Не е незамисливо и дека целта е да падне оваа влада, особено ако се земат предвид изјавите на ВМРО-ДПМНЕ дека оваа влада работи спротивно на македонските интереси. Ако ситуацијата е драматично лоша за Македонија тоа ќе доведе до промена на власта, па потоа опозицијата ќе мисли што ќе прави откако ќе се добере до власта, вели Поповски.

Поповски потенцира дека оваа преговарачка рамка сѐ уште не е усвоена туку е француски предлог.

Макрон јавно изјави дека ова не е фер кон Македонија, а од друга страна предлага рамка која е неприфатлива за нас. Кога ќе дојде чешкото претседателство не знаеме како ќе се одвиваат преговорите и дали Чешка ќе го прифати францускиот предлог или ќе направи нов како што направи Франција со португалскиот предлог. Затоа и Бугарија инсистира да ја прифатиме оваа рамка, вели Поповски за Утрински брифинг.